الحلقه 3 ( احكام الجواز )
إتجوز صح
مع المدرب أحمد وجيه
معاكم احمد وجيه مؤسس مدرسه اتجوز صح اول مدرسه تطوعيه لتاهيل الشباب للزواج ومحو الاميه الزوجيه
اتكلمنا الحلقه الى فاتت عن مشروع الجوزا وانهاردا هنتكلم عن
احكام الجواز
حلقه النهارده فقهيه شويه وفبها معلومات ممكن اول مره تسمعوها الا اذا كنت دارس شريعه او قانون
احنا كلنا نسمع عن الحديث الشريف ان من استطاع منكم الباءه فليتزوج وان لم يستطع فعليه بالصوم فانه له وجاء
1- الجواز فرض :
ممكن تكون مستطيع بس متجوزتش وفى نفس الوقت بتطلق نظرك للحرام ومشاهده الافلام الاباحيه المحرمه والمعاكسات . هنا بيكون عليك الجواز فرض
2– الجواز سنه :
لو قادر بس مأجل الجواز شويه لاى ظروف وبحافظ على نفسى وبعفها وبصوم
فى الحاله دى الجواز هنا سنه مش فرض وسنه يعنى لو اتجوزت هتاخد حسنات لو مش اتجوزت مش هتاخد سيئات
كده قولنا حالتين امتى يكون فرض وامتى يكون سنه
فى حالتين كمان
3- الجواز حرام :
نعم جديده دى ممكن لما اتجوز يبقى حرام عليا !! ايوه طبعا
لو هنفترض انك عندك مرض من الامراض المعديه او مرض يستحيل العيشه معاه وخطبت ومعرفتش خطيبتك بالمرض ده
واتجوزت وجت هى اتفاجئت مثلا
هنا بيكون حرام عليك لانك ظلمت الطرف الاخر كان ممكن تعرفه وهو ليه مطلق الحريه فى الاختيار
قصه : مره واحد اعرفه بعد ما اتجوز وبعد مرور شهور ولسه محصلش حمل ف بدأ يسالها قالتله ما اصل انا كان حصلى حادثه من فتره والرحم عندى فيه مشاكل ومش ممكن اخلف ابدا
ف هنا حرام عليها لانها ظلمت الشخص ده
ربنا قال انى حرمت الظلم على نفسى وجعلته بينكم محرما .
ف متظلمش حد معاك
4- الزواج مكروه :
اذا شكيت انك هتظلم الطرف الاخر او ان الجواز هدفه مصلحه
من الاخر اذا تيقنت انك هتظلمها سواء كان ( بالبخل او بالعصبيه او بسؤ الادب )
الخلاصه :
1-فرض لو بتعمل اشياء محرمه ستنتهى بالزواج
2-سنه لو مش بتعمل اشياء محرمه مرتبطه بالزواج
3-حرام لو متاكد انك هتظلمها
4-مكروه لو شاكك انك هتظلمها
وبكده نكون وصلنا لنهايه حلقه النهارده من برنامج اتجوز صح مع شريك الحياه - أدهم و جيسى
استنونا بكره فى نفس المعاد مع حلقه جديده من حلقات دوره تأهيل المقبلين على الزواج والمتزوجين
أحمد وجيه
