الحلقة 9
دوره تأهيل المقبلين على الزواج و المتزوجين
بسم الله الرحمن الرحيم
معاكم احمد وجيه مؤسس مدرسه اتجوز صح اول مدرسه تطوعيه لتاهيل الشباب للزواج ومحو الاميه الزوجيه
اتكلمنا الحلقه الى فاتت عن أسس اختيار شريك الحياه
وانهاردا هنتكلم عن مشاكل الاختيار
بعد ما عرفنا مع بعض انماط الاختيار ومشاكل الاختيار
هنتكلم انهاردا عن اخطاء الاختيار يعنى الاخطاء الى بنقع فيها واحنا بنختار وده بيكون لاكتر من سبب منهم :
1- الهروب : "بسب الخروج من تجربه فاشله" لو كان عندنا تجربه او عايشين فى قصه حب ومكملتش لاى سبب من الاسباب ممكن نحاول نهرب باننا نتعرف على حد تانى او نخش فى علاقه تانيه او نقبل اول عريس يجى بعد القصه الى باظت ومنعرفش اننا كده هنظلم الحد التانى ده لاننا مش هنبقى مركزين معاه هنبقى بس بنحاول ننسى الاول او هنفكر بعقلنا بس ونقول خدنا ايه من الحب نجرب العقل
بس انت / انتى مش حصل تجارب لو حصل حاجه زى كده معاك لازم تاخد فتره تريح فيها اعصابك وتنسى علشان تعرف تستقبل علاقه جديده شريك حياتك ملهوش اى ذنب باى حاجه حصلت قبل كده
2- التسرع : اننا نتسرع فى الحكم على شريك حياتنا علشان كل واحد نفسه يلبس البدله وكل بنت نفسها تلبس الفستان الابيض فعلى ما نصدق فرصه تيجى ونتعلق فيها ونقول موافقين من غير لما تشوف يا ترى الشخص ده مناسب ولا لا؟ .. هو ده الى هيكملنى ولا لا ؟
ف نصيبك هتاخده هتاخده ان شاء الله فمتتسرعش وخت وقتك فى الحكم على شريك حياتك
3- شبح العنوسه :
عشان نكون منصفين ده عيب مجتمع مش عيب فينا >> طنط الى كل لما تشوفك تقولك ها !! مش هتشدى حيلك؟ مش هنفرح بيكى؟ وهى كل بناتها مفرحتش بيهم ولا عرفوا يشدوا حيلهم ..
بس بدل احنا كلنا عارفين انه عيب مجتمع ليه تكونى سلبيه او تخليه يهزمك وتحاولى تهربى منه بانك تتجوزى جوازه وخلاص
لما طنط تقولى مش هتشدى حيلك قوليلها انا بشده كل يوم فى شغل وفى دراستى وفى اهتمامى بنفسى
وكونى واثقه ان مفيش حاجه اسمها عنوسه .. بس فى حاجه اسمها ان ربنا بعد عنك شر زوج غير مناسب
4- مشاكل البيت : بابا الى ع طول بيتحكم وماما الى عاوزه تخلص منك واخوكى الى مقيدك فى حركتك .. متحاوليش انك تهربى منهم
لانك ممكن تروحى لزوج يعمل فيكى كل الصفات دى مجتمعييين
5- متسمعيش لتجارب اصحابك الفاشله : مش معنى ان واحده صحبتك فى مشاكل مع جوزها وبتحكيلك المشاكل دى من باب الفضفضه ف تتوقعى ان هيحصل معاكى كده
انتى مش زى صحبتك وجوزها مش زى الى هيتجوزك
اوعوا تقعوا فى الاخطاء الى فاتت دى وحاولوا تطبقوا اسس الاختيار وانتوا بتختاروا شريك حياتكم علشان تعيشوا حياه سعيده
وبكده نكون وصلنا لنهايه حلقه انهاردا من برنامج اتجوز صح مع شريك الحياه - أدهم و جيسى
أحمد وجيه
