مفاتيح وكتالوج المرأة
دوره تأهيل المقبلين على الزواج و المتزوجين
بسم الله الرحمن الرحيم
معاكم احمد وجيه مؤسس مدرسه اتجوز صح اول مدرسه تطوعيه لتاهيل الشباب للزواج ومحو الاميه الزوجيه
اتكلمنا الحلقه الى فاتت عن مشاكل الاختيار
وانهاردا هنتكلم عن كتالوجات ومفاتيح الرجل والمرأة
عشان تعرفى تتعاملى مع الراجل وتدخلى قلبه لازم يكون معاكى مفاتيحه
وانت عشان تملك المرأة وتخليها متشوفش غيرك لازم يكون معاك مفتاحها
طبيعى ان مينفعش تتعامل مع اى منتج جديد من غير ما تقرا الكتالوج بتاعه وتعرف هو بيشتغل ازاى وايه الحاجات الى بتخليه يبوظ او يعطل او سرعه استجابته تقل مع انه شغال
فعلشان كده هنقولكم اسرار للتواصل لكل طرف
بس تعالوا نتفق ان علشان كل حلقه تاخد حقها فحلقه انهاردا هنتكلم فيها عن المرأة وحلقه #11 ان شاء الله عن الرجل
وهبدأ بيهم علشان Ladies First
مفاتيح وكتالوجات المرأة
المرأة كائن بيحب يحس ويسمع يعنى بتحب بودانها وكل لما تسمعها كلام حلو بتحبك اكتر وبتحب دايما تحس بالاهتمام طوول الوقت
شويه اوبشن فى كتالوج المراه تعالوا نتعرف عليها
( الكلام للرجاله )
1- الاهتمام : حسسها انها محور حياتك وانك مهتم بيها وبكل حاجه هى بتعملها ده هيديها ثقه فى نفسها
2- الاحتواء : مهما كانت المرأه شخصيتها قويه فى دايما بتستنى منك انك تحتويها وتحسسها بالامان والحنان والعطف
3- الإصغاء : أهم حاجه تعملها لما تتكلم .. فكل لما تصغى وتحسن الاستماع كل لما بتحسسها انك مهتم بادق تفاصيل حياتها، فبيتولد احساس كبير جواها من التفاهم والتقارب .
4- الاحترام : كلما احترمت المرأة كلما شعرت برقيك فى التعامل اوعى تهينها حتى وانتوا مختلفين احترمها واحترم مشاعرها واحترم رايها .
5- التأييد : المرأة بتحب انها تحس دايما ان جوزها معاها وفى ظهرها وان وراها رجاله بيايدوها فى كلامها وتصرفاتها
فايدها ف تصرفاتها بس طبعا تكون تصرفات سليمه
6- الاعجاب : يا سلام لو حست انك معجب بيها وباناقتها وشخصيتها وطريقتها ف التعامل وفى تسريحه شعرها واختيارها حتى لنوع البرفان والتفاصيل .. هى دايما بتستنى تحس الاعجاب ده دى
7- الافتخار : حسسها انك فخور بيها وان ربنا رزقك بحبها وقول ده قدام اصحابك وقرايبك وقرايبها واولادكم فاكر حلقه الرسول الزوج
ده هيحسسها بالثقه بنفسها
كل الكلام الى فات عن المرأة بس مش بنقوله ليها بنقوله للرجاله عشان تعرف ازاى تتعامل معهن
خلاص يا رجاله عرفنا هنعمل ايه ؟؟
كل البنات تستنى حلقه بكره علشان تعرفوا اسرار كتالوجات الرجل
وبكده نكون وصلنا لنهايه حلقه انهاردا من برنامج اتجوز صح
أحمد وجيه
