الحلقة 7
دوره تأهيل المقبلين على الزواج و المتزوجين
بسم الله الرحمن الرحيم
اهلا بيكو كل معجبي صفحه شريك الحياة - أدهم و جيسي فى الحلقه رقم 7 من برنامجنا وبرنامجكم اتجوز صح
معاكم احمد وجيه مؤسس مدرسه اتجوز صح اول مدرسه تطوعيه لتاهيل الشباب للزواج ومحو الاميه الزوجيه
اتكلمنا الحلقه الى فاتت عن الفرق بين الرجل والمراه ( ادم & حواء )
وانهاردا هنتكلم عن انماط الاختيار
يعنى ايه انماط الاختيار ؟
يعنى ازاي و ليه وعلى اي أساس بختار شريك حياتي؟
لازم تفكر كويس قبل ما تختار اصل هقولك حاجه مهمه الجواز ده مش زى البطيخه واهى جوازه والسلام
طب ع الاقل قبل ما بتشترى البطيخه بتعمل الى عليك وتقعد تخبط عليها وتكون مقبوله من بره يعنى مش حمضانه ولا مشروخه ولا مكسوره صح
شوفت حتى وانت بتشترى البطيخه بتاخد بالاسباب
يبقى ف الجواز لام ناخد بالاسباب
لو بصينا احنا بنختار ازاى هنلاقى اكتر من نمط بنختار من بينهم نمط او ممكن نكون بنختار باكتر من نمط مع بعض .. وكل لما كان فى اكتر من وسيله للاختيار كان الاختيار متوازن
انماط الاختيار :
1- العاطفي:
وهنا بنختار بناء على علاقه حب قويه وليس لها علاقه ولا بالقلب ولا بالمنطق حتى وهنا بنعتقد ان الحب وحده كفيل بحل المشاكل والى بيختار بالنمط ده مبيقدرش يسمع اى وجهه نظر تانيه وبيكون عنيد جدا فى الدفاع عن اختياره بالرغم من انه بيبقى شايف عقبات منطقية كتيره تؤكد التوافق في الزواج.. وكل لما حد يحاول يقنعه انه غلط بيزيد اصرار وعناد وفى الحاله دى مفيش حل غير اننا ننصحه بي ونسيبه يخوض التجربه , بس ممكن نحاول نطول فى فتره الخطوبه علشان نوضحله عيوب الطرف الاخر ان وجدت وهنا بس هيتراجع عن الاختيار بالنمط ده .
2- العقلاني:
هنا بنختار على اسس منطقيه وعقليه بحته والنمط ده مفيهوش اى استعمال للقلب.
3- الجسدي:
فى النمط ده الى بيختار بيكون على اساس الشكل الجمال المواصفات الشكليه يعنى.
4- المصلحي :
وده بقى الجواز الى بيكون على مصلحه ماديه او اجتماعيه او وظيفيه وهنا الى بيختار لو المصلحه باظت بيفشكل الموضوع خالص لان انتهى الغرض منه
5- الهروبي :
زى ما قولنا ف الحلقات الى فاتت ان ممكن اهل البنت يضغطوا عليها فتهرب منهم وانها تتجوز وتوافق على اى عريس
6- الاجتماعي :
هنا الى بيختار الاهل والاصدقاء لو شافوا ان الطرفين دول مناسبين بيحاولوا يوفقوا مبينهم ومهيالى مبيبقاش فى دور ايجابى من الطرفين الى هما اصحاب القرار غير انه ممكن يوافق او يرفض باختيار الاخرين له .
7- العائلي :
الجواز الى هو غرضه لم شمل العيله ان الواحد يتجوز بنت عمه او نظام القبائل الى بتتجوز من بعضها وده ميفرقش كتير عن الاجتماعى .
8- الديني:
وهو الاختيار على اساس الدين ودرجه القرب من ربنا
وده الاختيار الى ذكره سيدنا النبى فى الحديث : "إذا جاءكم من ترضون دينه وخلقه فزوجوه, إلا تفعلوا تكن فتنة في الأرض وفساد عريض" (أخرجه الترمذي وحسنه وابن ماجه)
9- العشوائي :
هنا بنرضى بالطرف الاخر لاى اسباب زى مثلا ان نكون كبرنا فى السن فخايفين من لقب العنوسه الى المجتمع بيطلقه على الشريحه دى .
10- المتكامل (متعدد الأبعاد) :
هنا الشخص بيراعى اكتر من نمط علشان يتاكد انه اختار صح فبيشمل على الجانب العاطفي والجانب العقلي والجانب الجسدي والجانب الاجتماعي والجانب الديني .....إلخ. وده احسن أنماط الاختيار.
وهنا الناس بتقول ان الدين هو المقياس الوحيد للاختيار وذلك لحديث رسول الله صلى الله عليه وسلم الذي رواه البخاري ومسلم: " تنكح المرأة لأربع: لمالها ولحسبها ولجمالها ولدينها فاظفر بذات الدين تربت يداك ".
الكلام صحيح بس مينفعش اننا نغفل عن باقى احاديث الرسول الى اتكلمت عن الاختيار
زى حديث الرسول صل الله عليه وسلم "خير النساء من إذا نظرت إليها سرتك وإذا أمرتها أطاعتك وإذا أقسمت عليها أبرتك وإذا غبت عنها حفظتك في نفسها ومالك" ( رواه النسائي وغيره بسند صحيح ).
والحديث بدا بالمنظر السار للمرأة وبعدها الصفات السلوكية
قصه: لما خطب المغيرة بن شعبة امرأة فأخبر رسول الله صلى الله عليه وسلم فقال له: "انظر إليها فإنه أحرى أن يؤدم بينكما"(أي تدوم صحبتكما) [رواه الترمذي]
والنظر هنا للناحيه الجماليه والقبول والارتياح الشخصي والتآلف الروحي.
من كل الأحاديث دى نفهم أن الرسول صل الله عليه وسلم قد جعل عامل الدين والأخلاق عاملاً مهمًا جدًا ومؤثرًا في الاختيار ومع ذلك لم يسقط العوامل الأخرى التي يقوم عليها الزواج بما في ذلك العوامل الجسدية
المهم قبل كل ده انك تكون عندك ثقه بنفسك وعارف انت مين وعاوز ايه
وبكده نكون وصلنا لنهايه حلقه انهاردا من برنامج اتجوز صح مع شريك الحياه - أدهم و جيسى
أحمد وجيه
