أخطاء شائعة لازم تتجنبيها وانتى بتغسلى وشك لإن غسل الوش بطريقة غلط ممكن يضر أكتر ما يفيد لإنه ممكن يسبب تهيج البشرة و جفافها أو يسبب الترهل المبكر للبشرة عشان كده جمعنالك الأخطاء اللى لازم تتجنبيها أثناء غسيل البشرة وهى :
1- أول خطأ اختيار غسول غير مناسب .. منظف البشرة لازم يناسب نوع بشرتك وإلا مش هيؤدى الدور المطلوب منه .
2- تانى خطأ هو عدم غسل الإيد قبل غسل الوش ..لازم تغسلى ايديكى الأول لمنع إنتقال اى عدوة أو أتربة للبشرة .
3- تالت خطأ هواستخدام منشفة واحدة لأكتر من يوم .. لازم تغيرى الفوطة اللى بتنشفى بيها وشك يوميا منعا لإنتقال العدوى .
4- غلط جداا انك تستخدمى مياة ساقعة أوى أو سخنة أوى لإنها بتسبب التهاب البشرة وجفافها .. خلى المياه فاترة .
5- غلط تستخدمى مقشر البشرة كتير ..إستخدميه مرتين فقط فى الإسبوع عشان تتخلصى من تراكمات الزيوت و الخلايا الميتة اللى بتسد المسام .
6- لازم تتأكدى انك شطفتى وشك كويس و تخلصتى من أى أثر لمنظف البشرة عشان ممكن يضر بشرتك مع الوقت.
7- آخر خطأ انك ممكن ماتغسليش وشك مرتين فى اليوم وبتكتفى بالصبح بس وده غلط جدااا لازم تغسلى وشك مرة الصبح ومرة بالليل قبل متنامى للتخلص من آثار المكياج و الأتربة
