يوم 6 :
احنا دايما بنتظلم.. الناس فكرانا وحشين و هنئذيهم.. دايما بيعاملونا وحش و يصدونا من قبل ما نبدأ كلام معاهم.. مجرد وجودنا بيضايقهم
من كام يوم طلعت أتوبيس أبيع مناديل.. راجل افتكرني عايزه أسرقه.. الناس كلها وقفت في صفه
كان أكتر وقت حسيت فيه بالخوف.. لو كان الموضوع كبر و روحت القسم كان ممكن أي ظابط يلفقلي أي تهمة علشان يخلص و أنا معيش أي إثبات شخصية..
و لو حصلي حاجة و مت مش هتفرق كتير.. لأني معيش بطاقة شخصية ولا شهادة ميلاد
و من ساعتها بقيت أخاف أطلع أتوبيسات"
مذكرات طفلة عايشه في الشارع
