الحلقة 11
مفاتيح و كتالوج الرجل
دوره تأهيل المقبلين على الزواج و المتزوجين
بسم الله الرحمن الرحيم
اتجوز صح
معاكم احمد وجيه مؤسس مدرسه اتجوز صح اول مدرسه تطوعيه لتاهيل الشباب للزواج ومحو الاميه الزوجيه
اتكلمنا الحلقه الى فاتت عن كتالوج المراه
وانهاردا هنتكلم عن كتالوج الرجل
كتالوج الرجل
1- كونى أقرب أصدقائه :
خليكى زى صديقة الانتيم العبوا وهزروا مع بعض وشاركيه افكاره واهتماماته اتعلمى البلايستيشن حتى عشاه خاطره
2- قوتك تكمن فى انوثتك
أنوثتك سلاح مبيهزرش ، فالدلع والكلام الرقيق مفتاح قلب اى راجل، فاستخدمى أنوثتك كسلاح أمام رجولته .
3- كونى واضحة
الراجل دايما مش بيركز فى اى تفاصيل ، فمتزعليش لو مخدش باله انك غيرتى تسريحه شعرك او انه مخدش باله انك قصيتى ضوارك او انك حطيتى مونكير او شلتيه او خسيتى ولا طخنتى ، متخاوليش تلفى ودورى وتقولى الموضوع باكتر من طريقه عشان توصليهوله
الرجاله سهله خالص والله
عاوزه كذا قولى بس ومن غير مقدمات
4- كونى متسامحة :
الراجل بيحب المراه المتسامحه .. فمتتعصبيش على كلمه اتقالت او موقف حصل وتنسى كل المواقف الحلوه الى بينكم
افتكروا انكم فى مركب ف نص البحر (حلقه 1 )
ومش عشان موقف او كلمه اتقالت تقعدى تفتحى وتلومى على حاجات من ايام الخطوبه
5- متحلليش :
لو حصل نصيب وقعد معاكى وقعد يفضفض عن مشاكل الشغل فمتتعبيش نفسك وتقعدى تدوريله على حلول
هو عاوزك بس تسمعيله
تحذير : متقعديش تلوميه وتقوليله مش قولتلك اعمل كذا
لان لو لومتى كده ابقى قابلينى لو حكالك حاجه تانى
6- متنتقديش :
اوعى توبخيه ولا لوحدكم ولا قدام حد.. كرامته خط احمر
ومينفعش كل شويه تقوليله لا ده صح وده غلط
7- متأمريش :
الراجل مبيحبش يسمع لغه الامر
ومبيحبش تقوليله يعمل ايه وميعملش ايه
ممكن تستخدمى لغه الطلب بدل من لغه الامر
ممكن تقوليله
frown emoticon
ممكن لو سمحت تعمل كذا ) بدل من ( اعمل كذا )
8- متشتكيش من قلّة رومانسيته
كتير من الرجاله بيعبر عن حبه بالافعال ومعظمهم مبيعرفش يقول كلام حلو , فقدرى مجهوداته عشان يسعدك ومفيش راجل هيسيب مسؤلياته علشان يقعد يقول شعر فيكى
9- اتعلمى الاحتواء :
جوا كل راجل طفل صغير بيدور ع الاحتواء فإحساس المرأة بجوزها هو احسن طريق فى الوصول الى قلب الراجل وعقله
وبالطريقه دى هتخليه يتمسك بيكى لنهايه العمر
10- سى السيد :
مش غريب على الراجل الشرقى أن تكون الطاعة مفتاح قلبه
كل لما تطيعيه كل لما يحبك , وحسسيه انه سيد البيت وصاحب السلطه , وحتى لو فى جدال يكون بطريقه مفيهاش ولا تحدى ولا غرور .
11- احترمى انشغاله :
متعاتبيهوش لو متصلش بيكى فمسؤلياته ممكن تكون اكبر من توقعاتك , ومتقلبيش الدنيا لو نسى تاريخ مهم فى حياتكم
متحاوليش تزعجيه لو حب يقعد لوحده .
12- اطلبى مساعدته :
كل راجل بيحب يحس أنه البطل فى حياة مراته
خليه يحس بمدى احتياجك ليه واطلبى رايه فى كل الامور
الراجل بحب يحس انه مرجعك وسندك
13 -أعطيه حريته :
سيبيه يخرج مع اصحابه وسيبيه يشتاقلك
لان البيت بالنسباله مسؤليه فهو لما بيحب يبعد عن البيت هو مش بيهرب منك على قد ما هو بيحب ياخد قسط من الراحه عشان يعرف يكمل
معلش كتالوج الراجل طويل شويه بس عشلان هو فى ابشن كتير
عرفتوا هعتملوا ايه يا بنات
وبكده نكون وصلنا لنهايه حلقه انهاردا من برنامج اتجوز صح
أحمد وجيه
