يوم 4:
عارف أكتر حاجه نفسي فيها ايه؟
اني أرجع المدرسة
نفسي اكون زي الولد اللي لابس لبس المدرسة و شايل شنطة.. يكون ليا صحاب بيحبوني .. الناس بتحترم اي حد صاحب علام.. و انا نفسي الناس تحترمني. انا سبت المدرسة بقالي سنتين بس دلوقتي نفسي ارجعلها تاني و مش هينفع علشان معنديش أي إثبات شخصية. زمان كت صغير و مش فاهم حاجه.. صحابي اللي نزلوا الشارع قالولي ان انا كده راجل و بعتمد على نفسي بس العلام مش هيفيد في حاجة..
بعد ما قعدت سنة في الشارع.. أنا مش حابب اللي أنا فيه.. مش باخد حاجة غيرالبهدله والمشاكل مع الحكومة و البلطجية في الشوارع اللي بيسرقوا الفلوس اللي بجبها"
مذكرات طفل عايش في الشارع
